Бугун, 10 июнь куни Тошкентдаги “Бунёдкор” стадионида Ўзбекистон ва Қатар терма жамоалари ЖЧ-2026 саралаши доирасида майдонга тушади. Беллашув Қатар учун гуруҳдаги ҳал қилувчи ўйинлардан бири ҳисобланади. Сабаби жамоа бугунги ижобий натижа билан саралашнинг кейинги босқичида яхши имкониятга эга бўлиб олади. Интервьюларда Ўзбекистон бош мураббийи Тимур Кападзе ва бошқа жамоа аъзолари ҳам бу учрашувга жиддий тайёргарлик кўрилганини, ғалаба билан халқни хурсанд қилишни мақсад қилганини билдирди.

Маълумот учун, Осиё минтақаси саралашининг 3-босқичида “А” гуруҳидан ўрин олган Ўзбекистон терма жамоаси ўтган турда БАА меҳмони бўлиб дурранг қайд этган ҳолда муддатидан олдин ўз тарихида илк бор Жаҳон чемпионати йўлланмасига эга чиққан эди.

Баҳс Тошкент вақти билан соат 18:45 да старт олади.

• Бунёдкор
• Футбол
• Ўзбекистон
• Қатар