“Мутлақо ажойиб натижа. Бу Украина томонидан мустақил тарзда амалга оширилган ҳаракат. Буни режалаштириш бошланганидан самарали амалга оширилишигача бир йил, олти ой ва тўққиз кун ўтди. “Ўргимчак тўри” операциясини тайёрлаган одамларимизни Россия ҳудудидан ўз вақтида олиб чиқиб кетдик.

Ушбу муваффақияти учун Украина Хавфсизлик хизмати (СБУ) раҳбари Василий Малюк ва бошқаларга миннатдорчилик билдирдим. Хавфсизлик хизматига жамоатчиликка операция тафсилотлари ва натижалари ҳақида, очиқланиши мумкин бўлган маълумотларни етказишни топширдим. Албатта, ҳозирча ҳаммасини айтиб бера олмаймиз, аммо Украинанинг бу ҳаракатлари тарих дарсликларига киритилади. Украина ўзини адолатли равишда ҳимоя қилмоқда ва биз урушни якунлаш зарурлигини Россияга ҳис қилдириш учун барча чораларни кўряпмиз”, — дея маълум қилди Зеленский ўз мурожаатида.

У, шунингдек, Россиядаги бомбардимончи самолётларга ҳужум бўйича “Ўргимчак тўри” операциясини тайёрлаш маркази айнан Россияда жойлашганини таъкидлаган.

“Бизнинг операциямиз штаби Россия ҳудудида, уларнинг вилоятларидан биридаги Россия Федерал хавфсизлик хизмати (ФСБ) бошқармаси ёнида жойлашган эди”, — дея аниқлик киритган президент.

Зеленский, шунингдек, операция давомида жами 117 дрон ишлатилганини, улар операторлар томонидан масофадан туриб бошқарилганини маълум қилган. Унинг сўзларига кўра, Россия 40 дан ортиқ стратегик авиация қурилмасини йўқотган.

• Россия
• Украина
• Уруш
• Зеленский