Инсон ҳуқуқлари бўйича Миллий марказ вакили Булат Беисов сўнгги уч йил ичида никоҳ қуриш мақсадида аёлларни ўғирлаш бўйича 200 дан ортиқ ҳолат қайд этилганини маълум қилди. Бу ҳақда “Zakon.kz” хабар берди.

Қайд этилишича, у қонунчиликка бундай турдаги жиноятлар учун жазони назарда тутувчи алоҳида норма киритиш зарурлигини билдирган.

“Охирги 3 йил ичида аёлларни турмуш қуриш мақсадида ўғирлаб кетиш ҳолатлари бўйича 200 дан ортиқ ҳолат қайд этилган. Аммо бу ҳолатлар бўйича бор-йўғи иккита жиноят иши қўзғатилган ёки судгача тергов ҳаракатлари олиб борилган. Шунинг учун, бизнинг фикримизча, жамоатчилик фикрини инобатга олган ҳолда, тегишли қарорни ишлаб чиқиш зарур. Ўзбекистон ва Қирғизистондаги қўшниларимиз томонидан кўзда тутилганидек, турмуш қуриш мақсадида аёллар ва қизларни ўғирлаш ҳолатларида алоҳида қоида жорий этиш зарур”, — деди Булат Беисов.

• Жиноят
• Никоҳ
• Қозоғистон