Вариантлар қаторида машҳурлар номлари ҳам бор.
Гарет Саутгейт кетса, Англия терма жамоасини ким бошқариши мумкинлиги маълум бўлди.
The Telegraph хабарига кўра, Брендан Рожерс, Маурисио Почеттино ва Томас Тухел бош мураббийликка номзодлар рўйхатидан жой олишади. Шунингдек, ҳозирда Саутгейтнинг ёрдамчиси бўлган Стив Холланд ҳам бўлиши мумкин.
52 ёшли мутахассиснинг шартномаси Евро-2024га қадар мўлжалланган. Англия терма жамоаси 2022 йилги Жаҳон чемпионатидан нимчорак финалда чиқиб кетганидан сўнг, Саутгейт терма жамоа бош мураббийи сифатида қолиш-қолмаслиги ҳақида ҳали қарор қилмаганини айтди.
Саутгейт Англия терма жамоасини 2016 йилнинг сентябрида бошқарган эди. 2018-йилги Жаҳон чемпионатида унинг қўл остида жамоа ярим финалга, Евро-2020да эса финалга чиқди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!