Ўзбекистон республика товар-хом ашё биржаси 2022 йил 15 июнда биржанинг эрталабки савдо сессиясида ўтказилган биржа савдо натижаларига кўра, шакарнинг нархи аввалги кунга нисбатан яна 123,8 сўмга пасайгани ва маҳсулотнинг бир тоннаси учун 10 631,1 минг сўмни ташкил этганини маълум қилди.

Қайд этилишича, ушбу савдоларда шакар бўйича шаклланган минимал нарх маҳсулотнинг бир тоннаси учун 9,7 млн сўм атрофида қайд этилган.

2022 йил 10-15 июнь савдо кунларида шакарнинг барча категорияси бўйича шаклланган ўртача кунлик нархи эса маҳсулотнинг бир тоннаси учун жами 14 млн 554,5 минг сўмдан 10 млн 631,1 минг сўмгача, яъни 27 фоизга пасайган.

Таъкидланишича, 15 июнда биржанинг кечки савдо сессиясида сотувчи корхоналар томонидан 1 000 тонна қўшимча шакар ҳажми биржа савдоларига қўйилиши кутилмоқда.

• Биржа
• Нарх-наво
• Шакар