Сешанба куни Токиода ёққан қор туфайли 130 дан ортиқ одам касалхонага етказилган. Бу ҳақда “Kyodo News” хабар берди.
Қайд этилишича, кўпчилик қор ёғиши туфайли йиқилиб, жароҳатланган. Хабарда айтилишича, шикастланганлар 4 ёшдан 92 ёшгача бўлган ва уларнинг ҳеч бирининг аҳволи ҳаёт учун хавфли эмас.
Қўшни Канагава префектурасида 30 дан ортиқ, Сайтама префектурасида эса 50 дан ортиқ киши жароҳатланган.
“JR East” маълумотларига кўра, олтита тезюрар поезд станцияларда 10 соатдан кўпроқ вақт давомида қолиб кетган, бунинг натижасида 1600 дан ортиқ йўловчилар тунда бортда ухлаб қолишган. Улардан бирининг соғлиғи ёмонлашгани сабабли шифохонага етказилган.
Nippon Airways ва Japan Airlines 30 га яқин ички рейсларни, асосан, Токионинг Ханэда аэропортида бекор қилди.
Метеорология агентлиги маълумотларига кўра, душанба куни кечқурун Гумма префектурасидаги Маэбасида қор қалинлиги 11 см, Токио маркази ва Сайтама шаҳарларида эса 8 см бўлган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!