Ўзбекистон Республикаси Президенти Шавкат Мирзиёев ва Германия Федератив Республикаси Канцлери Олаф Шольц қўшма Бошқарув кадрларини тайёрлаш мактабини ишга тушириш маросимида иштирок этди. Бу ҳақда Президент матбуот хизмат хабар берди.

Қайд этилишича, мазкур лойиҳа Ўзбекистон Республикаси Президенти ҳузуридаги Давлат бошқаруви академияси ва Давлат хизматини ривожлантириш агентлиги томонидан Ханнс Зайдел жамғармаси ҳамда Бавария давлат бошқаруви мактаби билан ҳамкорликда амалга оширилган.

Мутасаддилар видеоалоқа орқали етакчиларга лойиҳа ҳақида батафсил маълумот берган. Унинг асосий мақсад ва вазифалари мамлакат ҳудудларида бошқарув кадрларининг ижтимоий-иқтисодий ривожланиш, хорижий инвестицияларни жалб этиш ва илғор технологияларни ўзлаштириш борасидаги салоҳиятини оширишдан иборат.

• Германия
• Olaf Shols
• Шавкат Мирзиёев