Жорий йилнинг 11 январь санаси соат 14:55 лар атрофида «Минор» бекатидан ҳаракатланиши лозим бўлган ҳаракат таркибининг вагонларига йўловчиларнинг кириш ва чиқиш вақтлари меёридан ортиб (1 дақиқа) кетган. Бу эса, ушбу ҳаракат таркибининг бекатдан белгиланган вақтдан кечроқ ҳаракатланишига сабаб бўлган. Оқибатда, ортдан келаётган 69-сонли ҳаракат таркиби белгиланган йўриқномага асосан «Минор» бекатининг кириш светофорининг тақиқиловсҳи сигналида 2 дақиқа вақт давомида тўхтаб турган.
Олдиндаги ҳаракат таркиби бекатни тарк этганидан сўнг, светафорнинг рухсат берувчи кўрсаткичи ёнган ва 69-сонли ҳаракат таркиби ҳаракатни давом эттирган.
Шу ўринда йўловчилардан метро хизматидан фойдаланишда тартиб-қоидаларга риоя этишларини ва бу орқали йўловчиларга маданиятли хизмат кўрсатилишида яқиндан ёрдам беришларини яна бир бор эслатиб ўтамиз.