Шифокор Светлана Бурнатская инфекцияни олдини олиш учун қўлингизни қандай қилиб тўғри ювиш ҳақида гапирди. “Гигиена қоидаларига риоя қилиш катта аҳамиятга эга, бу турли инфекцияларни минималлаштиришга ёрдам беради”, деб эслайди шифокор.

Инфекциянинг кейинги тарқалишини олдини олиш учун юқумли касалликлар, жумладан, COVID-19 ва гепатит авж олган пайтда қўл ювиш айниқса муҳимдир. Қўл гигиенаси овқат тайёрлаш ва истеъмол қилиш учун зарурдир. Кўз, бурун ва оғзингизга тегмасдан олдин қўлингизни ювишингиз керак. Шунингдек: Касал одамларга ғамхўрлик қилишдан олдин ва кейин;
Ҳожатхонага ташриф буюрганингиздан кейин;
Йўтал ва аксиргандан кейин;
Ҳайвонлар билан алоқа қилгандан кейин;
Кўчадан уйга келгандан кейин, ювиш зарурдир.

Қўлингизни сув остида совун билан ювиш афзалдир. Шунингдек, қўлингизни камида 20 сония давомида совун билан ишқаланг, кейин яхшилаб ювинг. Жамоат жойларида қоғоз сочиқни ишлатиш энг яхшисидир. Бундай ҳолларда суюқ совунни ишлатиш керак, у инфекцияни юқтириш хавфини камайтиради, деб ёзади “Известия”.

Камида 60% этанол ва 75% изопропил ўз ичига олган антисептиклар қўлларни дезинфекция қилиш учун ҳам мос келади, - дея хулоса қилди Бурнатская.

• Маслаҳат
• Шифокор