Ҳукумат қарори билан “Тошкент шаҳрининг 2045 йилгача бўлган даврга мўлжалланган бош режасининг асосий кўрсаткичлари” тасдиқланди.

Ушбу қарорга кўра, бош режанинг асосий кўрсаткичларини белгиловчи хариталар Қурилиш ва уй-жой коммунал хўжалиги вазирлигининг Шаҳарсозлик кадастри геоахборот тизимида очиқ маълумот сифатида жойлаштирилади.

Шунингдек, ҳар қандай қурилиш ишларини амалга ошириш тасдиқланган бош режа асосида белгиланган тартибда ушбу ҳудуднинг мастер-режаси, батафсил режалаштириш лойиҳаси ёки қуриш лойиҳаси ишлаб чиқилиб, тасдиқлаган ҳолда амалга оширилади.

Бош режанинг ижроси бўйича амалга оширилаётган ишлар натижадорлиги тўғрисида Тошкент шаҳар ҳокимининг ҳисоботи ҳар чоракнинг якуни бўйича Вазирлар Маҳкамаси Раёсати мажлисида эшитиб борилади.

Соддалаштирилган кўринишдаги Бош режа Тошкент шаҳрининг ҳудудларини қуйидаги зоналарга ажратиб беради:

 – консервация зоналари;
– конструкция зоналари;
– реновация зоналари.

• Тошкент
• reja