Пойтахтни ва баъзи вилоятларни туман қоплаганлиги сабабли "Ўзгидромет" муҳим маълумот билан чиқди

Махсус комиссия топшириғига мувофиқ, аҳолини атмосфера ҳавосининг ҳолати ҳақида оператив ахборот билан таъминлаш мақсадида Ўзгидромет қуйидагиларни маълум қилади:

➡️ Айни дамда пойтахтимизни ва баъзи вилоятларни туман қамраб олмоқда. Бу ҳақида прогнозда маълумот бериб ўтилган эди;

➡️Туман ҳодисаси сабабли майда дисперс заррачалар (ПМ2,5, ПМ10) кўрсаткичлари ошиши кузатилиши мумкин.

Диққат! Туман ҳодисаси пайдо бўлишига юртимизга кириб келган совуқ ва нам ҳаво массалари сабаб бўлган. Ўзгидромет 10 декабрга келиб бутун республикада ҳаво ҳарорати пасайиши ҳақида хабар берган эди.

Шунингдек, таъкидлаш лозимки, республика ҳудудидаги чанг заррачаларининг тахминан 55–60 фоизи ташқи ҳудудлардан кириб келади. Охирги кунларда шамол тезлиги паст бўлгани, шунингдек инверсия жараёнларининг шакллангани ҳамда ҳозирда туман ҳодисаси кузатилаётгани туфайли ушбу чанг заррачалари ҳаво қатламларида туриб қолмоқда ва тарқалиб кетиши қийинлашмоқда.

• Об-ҳаво
• Ўзгидромет