Ижтимоий тармоқларда Тошкентдаги мактабларнинг бирида ўқувчи қизларга нисбатан уяциз-бузуқ ҳаракатлар содир этилгани ҳақидаги хабарлар тарқалмоқда. Пойтахт ИИББ ҳолат юзасидан расмий маълумот берди.

Қайд этилишича, 7 апрел куни Миробод туманидаги 158-сонли мактабда 1963 йилда туғилган, шу мактабда психолог лавозимида ишловчи эркак А.Г. вояга етмаган қизларга нисбатан уяциз бузуқ ҳаракатлар содир этгани аниқланган.

Мазкур ҳолат юзасидан Жиноят кодексининг 129-моддаси (ўн олти ёшга тўлмаган шахсга нисбатан уяциз-бузуқ ҳаракатлар қилиш) билан жиноят иши қўзғатилган. Гумонланувчи А.Г. шаҳар клиник психиатрия шифохонасига жойлаштирилган.

Айни пайтда тергов ҳаракатлари давом этмоқда.

• ИИББ
• Xotin-qizlar
• мактуб