Унинг сўзларига кўра, кема бортида “тўрт нафар машҳур наркотеррорист” бўлган.

“Улардан икки нафари ўлдирилган, яна икки нафар Эквадор ва Колумбиядан бўлган шахслар қўлга олинган. Разведка маълумотларига кўра, мазкур сувости кемаси фентанил ва бошқа гиёҳванд моддалар билан тўлдирилган эди. Агар мен унинг Қўшма Штатлар қирғоқларига етиб боришига рухсат берганимда, камида 25 минг нафар америкалик ҳалок бўларди”, — деб ёзди Доналд Трамп Truth Social ижтимоий тармоғидаги саҳифасида.

Бунга жавобан, Колумбия президенти АҚШдан балиқчилар қайиғининг йўқ қилиниши бўйича тушунтириш талаб қилди.

Густаво Петронинг сўзларига кўра, колумбиялик денгизчиларга тегишли қайиқ двигатели ўчиб қолган ва ёрдам сигналини берган ҳолатда сузиб юрган бўлган.

“Биз АҚШ ҳукуматидан тушунтириш кутяпмиз. Америкалик амалдорлар қотиллик содир этишди ва бизнинг ҳудудий суверенитетимизни бузишди. Балиқчи Алехандро Каррансанинг наркотрафикка алоқаси бўлмаган, у ҳар куни балиқ овлаш билан шуғулланган”, — дея таъкидлаган Колумбия раҳбари.

• АҚШ
• Kema
• Колумбия
• Трамп