Кеча, 6 май куни Хитой ташқи ишлар вазири Цинь Ганг Исломободда Афғонистон ташқи ишлар вазири Амир Хон Муттаки билан учрашувда терроризмга қарши қатъий кураш зарурлигини таъкидлади.

“Сиз ваъдангизни бажаришингиз ва терроризмга қарши амалда курашишингиз, террорчиларга, жумладан, Шарқий Туркистон Исломий ҳаракатига қарши ҳал қилувчи зарбалар беришингиз керак. Афғонистондаги Хитой фуқаролари ва ташкилотларининг хавфсизлигини таъминлашингиз керак”, – дейди Цинь Ганг.

Хитой ташқи ишлар вазирининг сўзларига кўра, Пекин Афғонистон суверенитети, мустақиллиги ва ҳудудий яхлитлигини ҳурмат қилади ва у билан барча соҳаларда ҳамкорликни чуқурлаштиради.

“Биз Афғонистон томонига имкон қадар тезроқ мустақиллик, тинчлик, барқарорлик, тараққиёт ва фаровонликка эришишига ёрдам берамиз”.

Шунингдек, Цинь Ганг Хитой ва Толибон ҳаракати томонидан бошқарилувчи Афғонистон муваққат ҳукумати доим бир-бирини қўллаб-қувватлаши, ўзаро тушуниш ва ишончни сақлаб туришини таъкидлаган. Унинг фикрича, бутун дунё ёки минтақада қандай вазият бўлишидан қатъи назар, Хитой ҳамиша афғон халқи билан бирга бўлади ва мамлакатнинг миллий ўзига хослигидан келиб чиққан ҳолда уларнинг ривожланиш йўлини қўллаб-қувватлайди.

• Афғонистон
• Tolibon
• Хитой
• Xitoy Tashqi ishlar vaziri