Европа кутубхоналаридан XIX аср рус классикларининг 170 дан ортиқ нодир нашрлари ўғирланган. Europol 9 нафар гумонланувчини ҳибсга олди.Бу ҳақда “Мир24” хабар берди.

Қайд этилишича, Варшава университети кутубхонаси энг кўп зарар кўрган. Унинг тўпламларида ҳар бири ўнлаб ва юз минглаб долларга баҳоланган 78 та китоб йўқ эди.

Энг кўп ўғирланган асарлар орасида Александр Пушкиннинг асарлари бор. Улардан ташқари, Николай Гогол, Иван Крилов, Михаил Лермонтов ва бошқа классикларнинг китоблари йўқолган. Улардан баъзилари сохта нарсалар билан алмаштирилган. Уларни фақат мутахассислар асл нусхадан ажрата олишган.

Ўғирликлар ортида ким тургани ҳозирча номаълум. Полиция кенг кўламли тергов ишларини олиб бормоқда, деб ёзади “Тhе New York Times”.

• Kutubxona
• Европа