Amerikalik jurnalist Taker Karlson Ukraina prezidenti Vladimir Zelenskiy bilan intervyu haqida kelishib olganini ma’lum qildi. Bu haqda Taker X (avvalgi Twitter)dagi sahifasida yozgan, deydi “Kommersant”.
Jurnalistning jamoasi ushbu suhbatga erishish uchun ikki yil, ya’ni Ukrainadagi jangovar harakatlar boshidan buyon harakat qilib kelgan. U intervyu yaqin orada chiqishi mumkinligini qo‘shimcha qilgan.
“Biz ikki yil urindik, Putin bilan fevraldagi intervyudan keyin yanada qattiqroq harakat qildik. Biz amerikaliklarga o‘z vatanlarining dunyodagi holatini butunlay o‘zgartirib yuboradigan mojaro haqidagi zarur axborotni yetkazmoqchimiz”, — deb yozgan Karlson.
Aprel oyida jurnalist Zelenskiy intervyu olish haqidagi uning ko‘plab so‘rovlarini e’tiborsiz qoldirgani haqida xabar bergan edi.
Suhbatning aniq nashr sanasi oshkor etilmagan. Suhbat yozib olinganmi yoki hali amalga oshmagani ham noma’lum.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!