Jahon banki direktorlar kengashi O‘zbekistondagi islohotlar uchun imtiyozli kreditlar ko‘rinishidagi 800 million dollarlik moliyalashtirish paketini tasdiqladi. Bu haqda Jahon banki matbuot xizmati xabar berdi.

Jahon banki tomonidan qo‘llab-quvvatlanadigan hukumatning tarkibiy islohotlari dasturi ishbilarmonlik muhitini yaxshilash bo‘yicha qishloq xo'jaligi, temir yo‘l va energetika sohalarida samaradorlikni oshirish; davlat moliyasini boshqarishni takomillashtirish; ijtimoiy himoya xizmatlaridan foydalanish imkoniyatlarini kengaytirish; va mamlakatning atrof-muhit va iqlim o‘zgarishi bilan bog‘liq xavflarga tayyorligini oshirish kabi chora tadbirlarni o‘z ichiga oladi.

Ushbu islohotlarni amalga oshirish uchun Jahon banki imtiyozli kreditlar shaklida 800 million dollar ajratadi. Ushbu mablag'lar hukumatga xalqaro moliya bozorlarida mavjud bo'lgan qarz olish imkoniyatlariga nisbatan past foiz stavkalari va uzoqroq muddatlarda beriladi. Bu O'zbekistonga shoshilinch ijtimoiy-iqtisodiy muammolarni hal etishga yo'naltirilishi mumkin bo'lgan muhim moliyaviy resurslarni tejashga yordam beradi.

Ushbu kredit, ijtimoiy himoya, gender asosidagi zo‘ravonlikka qarshi kurash, fermerlarning qishloq xo‘jaligi yerlariga egalik qilish va undan foydalanish huquqlarini ta’minlash, ishbilarmonlik muhitini yaxshilash, davlat moliyasini boshqarish, iqlim o‘zgarishiga qarshi kurash, suv resurslarini boshqarish, atrof-muhit va iqlimga ta’sirni baholash sohalarda aniq natijalarga erishishda yordam beradi.

• Jahon banki
• O‘zbekiston