22-iyul kuni Oliy ta’lim, fan va innovatsiyalar vaziri Qo‘ng‘irotboy Sharipov Nukus shahrida Bilim va malakalarni baholash agentligi tomonidan test sinovlari o‘tkazilayotgan binoga tashrif buyurib, imtihon jarayoni, texnik va tashkiliy shart-sharoitlar bilan tanishdi. U abituriyentlar va ularning ota-onalari bilan suhbatlashib, ta’lim tizimida shaffoflik va imkoniyatlar tengligini ta’minlash muhimligini ta’kidladi. Shuningdek, vazir Nukus shahridagi 1-sonli politexnikumda bo‘lib, u yerda Buyuk Britaniyaning BTEC ta’lim dasturi asosida xalqaro o‘quv kurslarini joriy etish masalalari, shuningdek muassasadagi qurilish-ta’mirlash ishlari bilan tanishdi. Vazir qurilish ishlarida ishtirok etayotgan mutaxassislar bilan suhbatlashib, aniq tavsiyalarini berdi.

Shu kuni Qo‘ng‘irotboy Sharipov Nukus shahridagi Bilim va malakalarni baholash agentligi tomonidan tashkil etilgan test sinovlari jarayoni bilan ham tanishdi. U test sinovlari o‘tkazilayotgan binoga tashrif buyurib, imtihonlarning tashkil etilishi, texnik va sanitariya-gigiyena sharoitlari, abituriyentlar uchun yaratilgan qulayliklar holatini o‘rgandi.

Tashrif davomida vazir abituriyentlar va ularning ota-onalari bilan samimiy suhbatlashdi, ularning fikr va takliflarini tingladi. Vazir ta’lim tizimida shaffoflikni ta’minlash, sinov jarayonlarini adolatli o‘tkazish va har bir yoshning munosib ta’lim olish huquqini kafolatlash davlat siyosatida ustuvor ahamiyat kasb etishini alohida ta’kidladi.

• Imtihon
• Oliy ta'lim
• Oliy ta'lim, fan va innovatsiyalar vazirligi
• Qabul OTM