O‘quv jarayoni STEM modeli asosidagi besh yillik dastur bo‘yicha tashkil etiladi.

Ma’lum qilinishicha, Prezident Shavkat Mirziyoyev ta’lim tizimini isloh qilish masalalariga bag‘ishlangan taqdimotni ko‘rib chiqdi.

Taqdimotda davlatimiz rahbari texnik va muhandislik sohalarini rivojlantirish vazifasini qo‘ygani ta’kidlandi.

“Shunga muvofiq, Ixtisoslashtirilgan ta’lim muassasalari agentligi tizimida mamlakatimizning 14 ta hududida muhandislik maktablari tashkil etilmoqda”, – deyiladi xabarda.

Maktablarga qabul tanlov asosida amalga oshiriladi, kadrlar tayyorlash esa davlat byudjeti hisobidan amalga oshiriladi. Ular Yangi O‘zbekiston universiteti va Mirzo Ulug‘bek nomidagi ixtisoslashtirilgan maktab tajribasi asosida muhandislik ta’lim dasturini amalga oshiradilar. O‘quv jarayoni STEM modeli asosidagi besh yillik dastur bo‘yicha tashkil etiladi.

2026-yildan boshlab har yili umumta’lim maktablari o‘rtasida O‘zbekiston Prezidenti sovrini uchun “Eng yaxshi muhandislik maktabi” milliy tanlovi o‘tkazilishi belgilandi.

Tabiiy fanlarni o‘qitishni takomillashtirish uchun barcha hududlarda ixtisoslashtirilgan maktablar tashkil etiladi.

• Prezident
• Shavkat Mirziyoyev