“Shu hafta Turkiya, Fors ko‘rfazi davlatlari, ruslar bilan suhbatlashish uchun platforma bo‘lishi mumkin bo‘lgan Yevropa mamlakatlari bilan aloqalar o‘tkaziladi. Biz tomondan urushni tugatish uchun hamma narsa maksimal darajada tayyor bo‘ladi”, — degan Zelenskiy.

Ukraina yetakchisining so‘zlariga ko‘ra, barchasi faqat dunyo yetakchilarining, birinchi navbatda, AQSh prezidenti Donald Trampning Rossiyaga bosim o‘tkazishiga bog‘liq bo‘ladi.

“Rossiya haqiqiy muzokaralardan qochishda davom etmoqda. Buni faqat kuchli sanksiyalar, yuqori tariflar, ya’ni haqiqiy bosim bilan o‘zgartirish mumkin. Biz ham Moskvaga ta’sir qilishi mumkin bo‘lgan qadamlarimizni tashlayapmiz”, — deya qo‘shimcha qilgan Zelenskiy.

• Muzokara
• Rossiya
• Tramp
• Turkiya
• Ukraina
• Zelenskiy