Shavkat Mirziyoyev raisligidagi videoselektor yig‘ilishida navbatdagi masala davlat xizmatlari ko‘rsatishni soddalashtirish va ko‘lamini kengaytirishning muhokamasiga bag‘ishlandi. Bu haqda Prezident matbuot xizmati xabar berdi.

Qayd etilishicha, aholiga davlat xizmatlaridan foydalanishda qulaylik yaratish maqsadida 1-iyuldan boshlab quyidagilar amalga oshiriladi:

- 38 turdagi davlat xizmatlari uchun elektron imzo bilan tasdiqlash talabi bekor qilinib, mobil telefon orqali amalga oshiriladi (bino va inshootning tashqi ko‘rinishini o‘zgartirishni kelishish, bog‘chaga qabul qilish va hokazo);

- 6 turdagi litsenziya olish uchun talablar bekor qilinadi;

- aholi va tadbirkorlar uchun 8 dan ortiq davlat xizmati bo‘yicha elektron xabardor qilish tizimi joriy etiladi;

- aholi va tadbirkorlardan kommunal tashkilotlarning 32 turdagi hujjat va ma’lumotnomalarini talab qilish bekor qilinadi;

- ehtiyojmand oilalar farzandlari oliygohlarga kirishda test sinovlarida ishtirok etish to‘lovlaridan ozod etiladi (135 ming so‘m).

• Litsenziya
• Prezident