Vakillar palatasi sobiq spikeri Nensi Pelosi Bosh vazir Benyamin Netanyaxuni iste’foga chiqishi kerakligini aytdi. Bu haqda “NBC News” xabar berdi.

“Biz Isroilning o‘zini himoya qilish huquqini tan olamiz. Biz Netanyaxuning siyosati va amaliyotini rad etamiz, u dahshatli. Uning javoban qilgan ishlaridan ham yomonroq nima bo‘lishi mumkin?”, – deydi Pelosi “Six One News”ga bergan intervyusida.

“U iste’foga chiqishi kerak. U oxir-oqibat javobgar”, – deya qo‘shimcha qildi u.

Netanyaxuni tinchlikka to‘siq sifatida qaraysizmi, degan savolga Pelosi shunday javob berdi: “U tinchlikdan qo‘rqadimi, tinchlikka qodir emasmi yoki shunchaki tinchlikni xohlamaydimi, bilmayman. Lekin u ikki davlat yechimiga to‘siq bo‘lib kelgan”.

• Binyamin Netanyaxu