Ijtimoiy tarmoqlarda Toshkent viloyatining Angren neftbazasidan lotok ariqlari orqali AI-80 benzini oqayotgani va odamlar uni chelaklab tashiyotgani aks etgan videolar tarqaldi.

Rasmiy maʼlumotga ko‘ra, joriy yilning 10 dekabr kuni taxminan soat 20:10 da neftbaza hududida 5000 kubmetr hajmdagi 20-sonli sig‘im (rezervuar) sifonining jo‘mragida havo harorati pasayishi munosabati bilan muzlab, yorilish yuz bergan.

Natijada sig‘imda bo‘lgan AI-80 benzin yoqilg‘i mahsuloti (11 500 litr) to‘kilgan. Sodir bo‘lgan avariya holati zavod ishchi-xodimlari tomonidan shu kunning o‘zida, soat 20:45 da bartaraf qilingan. Hech kimga jiddiy zarar yetkazilmagan.

Yoqilg‘i mahsulotlari to‘kilishi natijasida yomg‘ir suvi chiqadigan lotok ariqlari orqali zavod hududidan soat 14:00 da tashqariga sizib chiqqan.

• Angren
• Benzin