Amerikaning “Apple” kompaniyasi “Apple TV+“ videostriming servisi uchun “Formula-1” poygachisi haqida film suratga olishni boshladi. Undagi bosh rolni taniqli aktyor Bred Pitt ijro etadi.
Filmning rejissyor Jozef Kosinaki tomonidan suratga olishini rejalashtirilgan. Ssenariy “Transformerlar” filmidagi ishtiroki bilan mashhurlikka erishgan Eren Kryuger tomonidan yoziladi.
Bred Pitt “Formula-1”ni tark etgan va yosh sportchi uchun ustozlik qila boshlagan tajribali poygachi rolini ijro etadi. Film uchun ajratilgan byudjetga oid maʼlumotlar oshkor qilinmagan, ammo uning 130-140 million AQSh dollariga teng ekani aytilmoqda.
Maʼlumot uchun, “Apple TV+“ servisi 2019 yilning noyabr oyida ish boshlagan. Keyinchalik “Apple” kompaniyasi striming servisi uchun kontent yaratish masalasida bir nechta prodyuser va rejissyorlar bilan shartnoma imzolagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!