Ukraina ayollarni harbiy xizmatga chaqirish siyosatini Isroil modeliga muvofiq qabul qilishi kerak. Mamlakat kelgusi yillarda ayollarni safarbar qilish kerakligiga ham tayyorlanishi kerak. Bu haqda quruqlikdagi qo‘shinlar qo‘mondoni gender masalalari bo‘yicha maslahatchisi Oksana Grigoreva “The Times” gazetasiga bergan intervyusida ma’lum qildi.

“Bizning Konstitutsiyamizda aytilishicha, har bir ukrainalik burchi o‘z mamlakatini himoya qilishdir, shuning uchun ayollar ham xizmat qilishi to‘g‘ri. Shimoliy qo‘shnimiz shunchaki yo‘q bo‘lib ketmaydi. Yuzlab yillar davomida ular bizga qayta-qayta hujum qilishdi. Isroil kabi biz ham bunga tayyor bo‘lishimiz kerak va bu erkaklar va ayollarni urushga tayyor bo‘lishga o‘rgatishimiz kerakligini anglatadi”, — degan maslahatchi.

Ma’lum qilinishicha, Ukraina armiyasida xizmat qilayotgan ayollarning o‘ndan bir qismidan kamrog‘i faol jangovar topshiriqlarni bajarsa, qolganlari shifokor, razvedkachi va ma’mur bo‘lib ishlaydi. Faqat 2018-yilda ayollarga jangovar pozitsiyalarni egallashga ruxsat berilgandi.

• Ayollar
• armiya