Braziliya Oliy sudi va mamlakat Milliy Kongressi binolari oralig‘ida kamida ikkita portlash sodir bo‘ldi.

Olingan dastlabki ma’lumotlarga ko‘ra, bir kishi hayotdan ko‘z yumgani aytilmoqda. Portlashlar 20 soniya oralig‘ida sodir bo‘lgan va hozirda hudud kuchli nazorat ostida.

Kongress xavfsizlik xizmati portlashlar bino o‘rtasida to‘xtab turgan mashinada sodir bo‘lganligini rad etdi.

Braziliya Bosh prokurori Xorxe Messias o‘zining ijtimoiy tarmoqdagi bayonotida ushbu so‘zlarni aytib o‘tdi: “Oliy sud va Milliy Kongressga qilingan hujumlarni qattiq qoralayman. Federal politsiya portlashlarni sinchkovlik bilan tekshiradi. Biz hujumlarning asl sababini aniqlashimiz kerak”.

Bundan tashqari, bosh prokuror tinchlik va tartibni tezda tiklashga chaqirgan.

• Braziliya
• portlash