Toshkent shahar IIBB xabariga ko‘ra, joriy yilning 22- iyun kuni Toshkent shahar IIBBga 65 yoshli fuqaro ariza bilan murojaat qilgan. Shikoyatida “dacha” ijaraga olish uchun begona shaxs kartasiga oldindan 1,4 million so‘m o‘tkazib berganini aytgan. Pulni olgan shaxs aloqani uzib, g‘oyib bo‘lganini bildirgan.

Ma’lum qilinishicha, o‘tkazilgan tezkor tadbir davomida 1999-yilda tug‘ilgan fuqaro Toshkent shahri hududida qo‘lga olingan. Surishtiruvlar natijasida u shu kabi 15 dan ortiq holatlarni sodir etgani ma’lum bo‘lgan.

Hozirda holat yuzasidan Jinoyat kodeksining 168-moddasi 4-qismi bilan jinoyat ishi qo‘zg‘atilgan. Gumonlanuvchi protsessual tartibda ushlangan. Xabarda tergov harakatlari davom ettirilayotgani bildirilgan.

• Firibgarlik
• IIBB