Britaniyaning FourFourTwo nashri 2021-yilning eng yaxshi 50 nafar murabbiylari roʻyxatini tuzib chiqdi.

Unga koʻra, birinchi oʻrin “Manchester Siti” bilan ishlayotgan Pep Gvardiolaga nasib etdi. 2021-yilda uning boshchiligidagi jamoa Angliya chempioni boʻldi, Angliya liga kubogini qoʻlga kiritdi va Chempionlar ligasi finaliga chiqdi.

Keltirilishicha, kuchli uchlikdan, klub bilan Chempionlar ligasi va UEFA Superkubogini qoʻlga kiritgan “Chelsi” bosh murabbiyi Tomas Tuxel (2-oʻrin) va “Liverpul”ni boshqarayotgan Yurgen Klopp (3-oʻrin) ham bor.

Shuningdek, kuchli oʻntalikka Antonio Konte (“Inter”, “Tottenhem”, 4-oʻrin), Xans-Diter Flik (“Bavariya”, Germaniya, 5-oʻrin), Roberto Manchini (Italiya termasi, 6-oʻrin) , Diego Simyone (“Atletiko”, 7-oʻrin), Yulian Nagelsman (“RB Leypsig”/ “Bavariya”, 8-oʻrin) kiradi.

Bundan tashqari, Angliya terma jamoasi bosh murabbiyi Garet Sautgeyt 9-oʻrin, PSJ ustozi Maurisio Pochettino esa 10-oʻrindan joy oldi.

Kuchli 50 talikni esa “Barselona” bosh murabbiyi, avvalroq Qatarning “Al-Sadd” klubini boshqargan Xavi yakunlab berdi.

• Futbol
• Xorij