Germaniyaning Kotbus shahri mezbonlik qilayotgan sport gimnastikasi bo‘yicha Jahon kubogining ikkinchi bosqichida navbatdagi saralash bahslari o‘tkaziladi.

Birinchi kun yakuniga ko‘ra, O‘zbekiston terma jamoasi aʼzolaridan faqatgina Oksana Chusovitina final yo‘llanmasini qo‘lga kiritdi. Yurtdoshimiz ertaga, 24-fevral sanasida o‘zining sevimli tayanib sakrash dasturida medallar uchun kurash olib boradi.

Bugungi bellashuvlar doirasida ishtirok etadigan sportchilarimiz va ularning yo‘nalishlari bilan tanishing:
Rasuljon Abdurahimov: brus;
Dildora Aripova: erkin mashq va to‘sin;
Odina Robijonova: erkin mashq va to‘sin.

Oksana Chusovitina 1975-yil Buxoroda tug‘ilgan va dunyo bo‘yicha 8 olimpiada o‘yinlarida qatnashgan yagona gimnastikachidir. Sportchi 1992-yil Barselonada o‘tkazilgan olimpiadada oltin, 2008-yilgi Pekin Olimpiadasida kumush medalni qo‘lga kiritgan. O‘tgan yilgi Bokuda o‘tkazilgan jahon kubogi musobaqasida kumush medalni qo‘lga kiritgan.

• Sport