“Men shundoq ham yetarlicha ish qildim”, — deya ta’kidladi milliarder Bloomberg nashriga bergan intervyusida.

Ammo The Washington Post gazetasining Maskka yaqin manbalariga tayanib yozishicha, bu qarorning asl sababi uning siyosatdan ko‘ngli qolganidir.

“O‘tgan bir yil davomida siyosat Maskni hayotida markaziy o‘rinni egallab keldi. Biroq so‘nggi paytlarda u siyosiy faoliyatga bo‘lgan qiziqishini yo‘qotdi”, — deya izoh berdi manbalardan biri.

Gazetaning yozishicha, Mask o‘z boyligi orqali AQSh siyosiy tizimiga ta’sir ko‘rsata olishi haqidagi tasavvuridan xulosa chiqargan va natijalar u kutganday bo‘lmagani uchun umidsizlikka tushgan.

“Maskning siyosiy faollikni kamaytirish qaroriga nafaqat shaxsiy xarajatlarining oshishi, balki sezilarli natijalarga erishishdagi qiyinchiliklari ham ta’sir qilgan”, — deb yozmoqda manbalar.

Bundan tashqari, amerikalik ishbilarmon o‘zining va oilasining xavfsizligidan jiddiy xavotir ola boshlagan.

• AQSh
• Ilon_Mask
• Siyosat