O‘zbekiston milliy terma jamoasining hujumkor yarim himoyachisi Jaloliddin Masharipov yozda ingliz klubiga o‘tishi mumkin. 

28 yoshli futbolchi Buyuk Britaniyaning “Xall Siti” klubiga o‘tishi mumkin. Futbolchini Angliya klubi bosh murabbiyi Shota Arveladze o‘z jamoasida ko‘rishni istamoqda. Bungacha ular Toshkentning “Paxtakor” klubida birga ishlagan.

Malumot uchun, “Xall Siti” hozirda Chempionshipda o‘ynaydi. Klub 33 o‘yindan so‘ng, 34 ochko to‘plab, turnir jadvalida 20-o‘rinda bormoqda. Arveladze ingliz klubi boshqaruviga joriy yilning 28-yanvar kuni kelgan.

Uning qo‘l ostida “Xall” 6 o‘yinda maydonga tushib, 1 g‘alaba, 2 durang va 3 mag‘lubiyat qayd etgan.

Ma’lumot uchun, Jaloliddin Masharipov joriy mavsumda Saudiya Arabistoni chempionatida 17 ta o‘yinda maydonga tushib, 3 ta golli uzatmani amalga oshirgan. “Transfermarket” portali futbolchining narxini 3 million yevroga baholagan.

• Futbol
• Masharipov
• mashhurlar