Bugun, 14-iyul 2025-yilgi Klublar o‘rtasidagi Jahon chempionati finalida Angliyaning “Chelsi” va Fransiyaning PSJ jamoalari o‘zaro to‘qnash keldi. Hal qiluvchi o‘yin AQShning “MetLife” stadionida bo‘lib o‘tdi. Ushbu qarama-qarshilikda londonliklar yirik 3:0 hisobida g‘alaba qozonib yangi formatdagi KJChning birinchi chempionlariga aylandi. “Aristokratlar” birinchi bo‘limdayoq o‘yin taqdirini hal qildi. Koul Palmer 22 va 30-daqiqalarda ikki bora parijliklar darvozabonini ranjitgan holda dubl qayd etgan bo‘lsa, bahsning 43-daqiqasiga kelib Joao Pedro hisobni yiriklashtirdi – 3:0.

Ikkinchi bo‘limda PSJ bir necha bor hisobni qisqartirishga urinib ko‘rdi. Biroq yakunda bularning barchasi samarasiz bo‘ldi.

Shuningdek, o‘yinning 86-daqiqasida PSJ futbolchisi Joau Nevesh raqib jamoa himoyachisi Mark Kukurelyani sochidan tortganligi uchun eronlik hakam unga qizil kartochka ko‘rsatdi.

Shu tariqa, “Chelsi” yangi formatdagi Klublar o‘rtasidagi Jahon chempionatining ilk chempioniga aylandi.

• Chelsi
• Futbol
• Klublar o‘rtasida Jahon chempionati
• PSJ