Ispaniya milliy terma jamoasi va Kataloniyaning “Barselona” klubi futbolchisi Lamin Yamal kelajakdagi rejalari haqida gapirib o‘tdi.

“Ayrimlar menda allaqachon ishtiyoq qolmagan deb baholamoqda. Ammo hali menda bir qancha jamoaviy va individual sovrinlarni qo‘lga kiritish uchun ishtiyoq yetarlicha mavjud. Ham terma jamoada ham klub miqyosida ko‘plab yuksak natijalar qayd etish niyatidaman. Buning uchun jismoniy holatim pand bermasa, bor kuchim bilan, oxirigacha futbol o‘ynashga harakat qilaman.

Shuningdek, o‘z oldimga yana ko‘plab maqsadlarni qo‘yganman. 18 yosh paytimda 16-17 yoshlarimga nisbatan qo‘lga kiritmagan sovrinlarni deylik Chempionlar ligasi va Jahon chempionatlarini yutishni xohlayman. Oldinda yana ko‘p yillar bor. Shu sabab keyinchalik bemalol bu sovrinlarni qo‘lga kiritaman deb o‘ylashni ham istamayman. Negaki, men hoziroq shu sovrinlarga ega chiqish uchun tayyor holatdaman”.

• Futbol
• Ispaniya
• Terma jamoa
• chempionat