Joriy yilning 3 oyi davomida MIBning Andijon viloyati boshqarmasi hamda uning hududiy bo‘limlariga jismoniy va yuridik shaxslardan jami 3 795 ta murojaat kelib tushgan. Bu haqda Bosh prokuratura ma’lum qildi.
Qayd etilishicha, ko‘rib chiqilgan murojaatlarning 1 470 tasi qanoatlantirilgan, 1 863 tasi yuzasidan huquqiy tushuntirishlar berilgan. Murojaatlarni ko‘rib chiqish natijalari bo‘yicha 1 464 nafar shaxsning buzilgan huquqlarini tiklash bilan birga sud hujjatlari asosida salkam 2,6 mlrd. so‘m mablag‘larni undirishga erishilgan.
Jumladan, Byuroning Andijon tuman bo‘limi xodimlari tomonidan olib borilgan ijro harakatlari natijasida xodim T.Alimjonov bankdagi o‘z lavozimiga qayta ishga tiklangan va majburiy progul kunlari hamda ma’naviy zarar uchun jami 47,7 mln. so‘m to‘lab berilgan.
Ma’lumot o‘rnida, kelib tushgan murojaatlarning sohalar kesimidagi tahliliga ko‘ra, 2 548 tasi aliment, 559 tasi qarz va zarar undirish, 21 tasi noqonuniy qurilmalarni buzdirish, 34 tasi chetga chiqish huquqlarini vaqtincha cheklashni bekor qilish, 6 tasi qidiruv, 190 tasi boshqa masalalarni tashkil etgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!