Adabiyotshunos olim Ibrohim Haqqul 29-iyun kuni 73 yoshida vafot etdi. Bu haqda Jurnalistlar ijodiy uyushmasining axborot xizmati xabar berdi.

Maʼlum boʻlishicha, filologiya fanlari doktori, professor Ibrohim Haqqul 74 yoshida vafot etgan. U 1949-yil 28-martda Buxoroning Shofirkon tumanida tugʻilgan, 1966-1970-yillarda Buxoro davlat pedagogika institutida tamomlagan.

Professor 1972-yildan hozirgacha Alisher Navoiy nomidagi Til va adabiyot institutida mehnat faoliyatini olib borayotgandi. Olim faoliyati davomida Abdulhamid Choʻlponning “Bahorni sogʻindim” (1988), Xoja Ahmad Yassaviyning “Hikmatlar” (1991) majmuasini, shogirdi Sayfiddin Rafiddinov bilan hamkorlikda “Boqirgʻon kitobi” (1991), “Meʼrojnoma” (1995) kabi uzoq muddat nashr etilmagan asarlarni oʻquvchilarga yetkazgan. Qolaversa, u “Ahmad Yassaviy”, “Kim nimaga tayanadi?”, “Eʼtiqod va ijod”, “Tasavvuf saboqlari” kabi risola va kitoblarini chop ettirgan.

• Adabiyot