Taniqli o‘zbek bastakori, kompozitor, pedagog va professor Dilorom Omonullayeva 65 yoshida vafot etdi.

Bu haqda O‘zbekiston Davlat konservatoriyasi professori Oydin Abdullayeva o‘zining Facebook’dagi sahifasida ma’lum qildi.

“O‘zbek xalqining asl farzandi, buyuk ijodkor Dilorom Omonullayeva bugun olamdan ko‘z yumdi. U umri davomida o‘zbek musiqa san’atining taraqqiyoti uchun xizmat qilib, o‘zidan keyin boy musiqiy meros qoldirdi”,- deb yozadi Abdullayeva.

Dilorom Omonullayeva faoliyati davomida “Do‘stlik” ordeni, “Madaniyat va san’at fidokori” hamda I darajali “Mehnat faxriysi” ko‘krak nishonlari bilan taqdirlangan.

• O‘zbekiston