Kecha, 14-mart kuni Toshkent shahrida O‘zbekiston Respublikasi va Bangladesh Xalq Respublikasi Tashqi ishlar vazirliklari o‘rtasida siyosiy maslahatlashuvlarning birinchi davrasi bo‘lib o‘tdi.
Qayd etilishicha, tomonlar delegatsiyalariga O‘zbekiston tashqi ishlar vaziri o‘rinbosari Furqat Sidiqov va Bangladesh tashqi ishlar vazirining birinchi o‘rinbosari Mas’ud Mo‘min boshchilik qilgan.
Qayd etish joiz, siyosiy maslahatlashuvlar ikki davlat o‘rtasidagi diplomatik munosabatlar tarixida ilk bor o‘tkazilmoqda.
Shuningdek, delegatsiyalar ikki mamlakat o‘rtasidagi siyosiy, savdo-iqtisodiy, investitsiyaviy, madaniy-gumanitar va boshqa sohalardagi hamkorlikning bugungi holati hamda uni rivojlantirish istiqbollarini muhokama qilgan.
Xususan, BMT va boshqa ko‘p tomonlama tuzilmalar doirasidagi hamkorlik masalalari yuzasidan fikr almashilgan.
O‘zaro hamkorlikning huquqiy bazasini kengaytirish muhimligi qayd etilgan. Shu munosabat bilan tegishli vazirlik va idoralar vakillari ishtirokida ishchi guruhlar tashkil etish bo‘yicha kelishuvga erishilgan.
Tadbirkorlik subyektlari o‘rtasida aloqalarni o‘rnatish va kengaytirishga ko‘maklashish, o‘zaro savdo uchun qulay shart-sharoitlar yaratish hamda qo‘shma investitsiya loyihalarini amalga oshirish orqali iqtisodiy diplomatiyani rivojlantirish masalalariga alohida e’tibor qaratilgan.
Muloqotda O‘zbekiston-Bangladesh kun tartibining boshqa masalalari ham muhokama qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!