OFK rasmiy sahifasi 2023-yilda faoliyatida oʻsish kuzatilishi kutilayotgan va keyingi avlod yulduzligiga daʼvogar 11 nafar isteʼdod roʻyxatini tuzib chiqdi.

Ahamiyatlisi, undan Oʻzbekiston milliy va Olimpiya terma jamoasi vakili, legionerimiz Ibrohimhalil Yoʻldoshev ham oʻrin egalladi.

OFK unga quyidagicha taʼrif berdi:

“Ibrohimhalil Yoʻldoshev — Oʻzbekiston va “Nijniy Novgorod”

Osiyo Chempionlar ligasi bahslarini kuzatib boradigan muxlislar Ibrohimhalil Yoʻldoshevni 2021-yilda “Paxtakor”ning chap qanot himoyachisi pozitsiyasida oʻtkazgan ajoyib oʻyinlaridan soʻng qitʼaning eng isteʼdodli yoshlaridan biri sifatida eʼtirof etgan.

Oʻshandan beri u Oʻzbekiston milliy terma jamoasi tarkibida 12 ta oʻyinda maydonga tushdi, Rossiya Premyer ligasi ishtirokchisi “Nijniy Novgorod” jamoasiga koʻchib oʻtdi va oʻsishda davom etdi.

Fevral oyida 22-yoshga toʻladigan Yoʻldoshev ajoyib isteʼdodi bilan ajralib turadi hamda xalqaro miqyosda muvaffaqiyat qozonishga harakat qiladi”.

• Futbol
• Legionerlar
• O‘zbekiston