Pokiston sobiq bosh vaziri 69 yoshli siyosatchi Imron Xon parlamentdagi ishonchsizlik votumini yo‘qotganidan so‘ng davom etgan hafta davomidagi konstitutsiyaviy inqirozdan keyin kecha, dushanba kuni Pokiston parlamenti 70 yoshli Shahboz Sharifni bosh vazir etib sayladi. U mamlakatning uch karra bosh vaziri bo‘lgan Navoz Sharifning kichik ukasi hisoblanadi.

Imron Xonning hokimiyatdan ketishi ko‘cha noroziliklariga sabab bo‘lish bilan birga Tehreek-e-Insaf partiyasidagi tarafdorlarining hukumat o‘zgarishiga norozilik sifatida ommaviy isteʼfoga chiqishiga ham sabab bo‘lgan. Qayd etilishicha, Imron Xonga sodiq bo‘lgan 100 dan ortiq qonunchilar dushanba kuni isteʼfoga chiqqan.

Agar isteʼfolar spiker tomonidan qabul qilinsa, Pokiston ikki oy ichida 100 dan ortiq takroriy saylovlar o‘tkazishi mumkin. Siyosiy tahlillarga ko‘ra, bu Sharif va uning koalitsiyadagi hamkorlari uchun katta chalg‘itish va Xon uchun uni qo‘llab-quvvatlash uchun potensial platforma bo‘lishi mumkin.

• Bosh vazir
• Pokiston
• Shahboz Sharif