Joriy yilning 3-yanvar kuni Rossiya Federatsiyasining Slansi shahrida yashovchi 52 yoshli fuqaro mahalliy politsiyaga murojaat qilib, uning 15 yoshli qizini nomaʼlum erkak zo‘rlaganini maʼlum qilgan.

Qayd etilishicha, jinoyat mahalliy vaqt bilan soat 03:00 atrofida Mayakovskiy ko‘chasidagi xonadonlardan birida sodir bo‘lgan. Jinoyatda gumonlanuchi o‘zini Artur, deb tanishtirgan.

Jabrlanuvchining onasi politsiyaga soat 11:00 da murojaat qilgan va oradan ikki soat o‘tib politsiya huquqbuzarni qo‘lga olishga muvaffaq bo‘lgan. U 30 yoshli O‘zbekiston Respublikasi fuqarosi bo‘lib, 2023-yilning martiga qadar migratsiya ro‘yxatida va Sankt-Peterburgda yashaydi.

Politsiya manbasining xabariga ko‘ra, hozirda jinoiy ish qo‘zg‘atish masalasi hal qilinmoqda. Gumonlanuchi so‘roq qilinib, yana qo‘yib yuborilgan. Hozirda tergov harakatlari olib borilmoqda.

• Jinoyat
• O‘zbekiston
• Politsiya
• Rossiya