10°
Kechasi 5°
Surxondaryo viloyatida pirotexnika vositalarining noqonuniy savdosi boʻyicha jami 425 ta reyd va tezkor tadbirlar oʻtkazildi. Bu haqda viloyat IIB xabar bermoqda.
Qayd etilishicha, Ichki ishlar organlari sohaviy xizmatlari, bojxona, soliq, hokimiyat, taʼlim muassasalari, chegara qoʻshinlari, soliq va valyutaga oid jinoyatlarga qarshi kurashish departamenti, fuqarolarning oʻzini-oʻzi boshqarish idoralari va chegara qoʻshinlari bilan hamkorlikda, tezkor tadbirlar oʻtkazilgan.
Jami oʻtkazilgan reydlar va tezkor qidiruv tadbirlari soni 425 tani tashkil qilgan. Shulardan, chegaradosh hududlarda 53 ta, bozorlarda 55 ta, savdo markazlarida 61 ta, koʻngil ochar joylarda 50 ta, oʻquv muassasalarida 116 ta, boshqa jamoat joylarida 90 ta qayd etilgan.
Keltirilishicha, olingan pirotexnika mahsulotlarining umumiy qiymati 4 147 500 soʻmni tashkil etgan. Shu kunga qadar 1 659 dona pirotexnika mahsulotlari aniqlangan.
Maʼlum qilinishicha, aniqlangan holatlar yuzasidan tegishli hujjatlar rasmiylashtirilib, qonuniy chora koʻrish uchun sudlarga yuborilgan va hozirda Ishchi guruhlar tomonidan viloyatda pirotexnika vositalarining noqonuniy savdosining oldini olishga qaratilgan chora-tadbirlar davom ettirilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
