Futzal bo‘yicha O‘zbekiston milliy terma jamoasi o‘zining navbatdagi o‘quv-mashg‘ulotlari yig‘iniga kirishdi.

Poytaxtimizdagi “Yunusobod” sport majmuasida davom etayotgan qizg‘in yig‘in bir necha kundan keyin Qirg‘iz Respublikasi poytaxti Bishkek shahrida bo‘lib o‘tadigan Osiyo Kubogi saralash bosqichi uchun so‘nggi tayyorgarlik vazifasini o‘tab beradi.

Murabbiylar shtabi yig‘inga jalb etilgan har bitta o‘yinchi bilan ham jamoaviy, ham individual tarzda ishlamoqda. Yigitlarning jismoniy tayyorgarligini optimal tarzda ushlab turuvchi jismoniy yuklamalar berilmoqda. Turli kombinatsiyalar, o‘yin amaliyotini kuchaytirish yuzasidan intensiv mashg‘ulot olib borilyapti.

Yig‘in davomida Yaponiya terma jamoasi bilan o‘rtoqlik uchrashuvi ham o‘tkazilishi rejalashtirilgan. Nazorat-ko‘rik o‘yini 16-sentyabr kuni “Yunusobod” sport majmuasida soat 17:00 da boshlanadi.

• Futzal
• Mashg'ulot
• Sport
• yig'ilish