O‘zbekistonning Bangkok shahridagi Bosh konsulligi xodimlari Tailandga ishga borib, odam savdosi qurboniga aylangan uch nafar vatandoshimizga yordam ko‘rsatdi.
Bosh konsullikka 19 yoshli yurtdoshimiz J.M. odam savdosi qurboniga aylangani va Tailand hududida yashash uchun turar-joy hamda mablag‘siz qolgani yuzasidan murojaat qilgan.
Fuqaroning arizasi asosida Tailand politsiyasi bilan hamkorlikda dastlabki surishtiruv ishlari o‘tkazilgan va 3 nafar gumondor aniqlanib, ulardan biri Tailand hududini tark etmoqchi bo‘lgan vaqtda Bangkokdagi Suvarnabxumi xalqaro aeroportida hibsga olindi. 2 nafar shaxsga nisbatan qidiruv-surishtiruv ishlari davom etmoqda.
Shuningdek, tergov davomida yana 2 nafar O‘zbekiston fuqarosi odam savdosi qurboni sifatida majburiy mehnat bilan shug‘ullanishga majburlangani aniqlandi.
Hozirda Bosh konsulxona tomonidan barcha O‘zbekiston fuqarolariga homiy tashkilotlar bilan hamkorlikda vaqtincha turar-joy, oziq-ovqat, kiyim-kechak va vatanga qaytishlari uchun aviachipta olishda yordam ko‘rsatilmoqda.
O‘zbekiston Bosh konsulxonasi vatandoshlarimizni Tailandga safar qilishdan oldin yolg‘on va’dalarga aldanib qolmaslikka, oson ish topishga oid takliflarga ishonmaslikka hamda ushbu mamlakatga kirish va unda bo‘lib turish chog‘ida mahalliy qonunchilik talablariga qat’iy rioya qilishga chaqiradi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!