Joriy yilning 19-martidan 14-may kunigacha Madaniyat va sanʼatni rivojlantirish jamg‘armasi tomonidan Xalqaro teatr festivali tashkil etiladi. 

Qayd etilishicha, unda Moskvaning “Sovremennik” teatri, Zamonaviy pyesa maktabining “Moskva” teatri, “Millatlar” teatri, A.P. Chexov nomidagi Moskva badiiy teatri, Boris Eyfman balet, Sankt-Peterburg davlat akademik teatri, Alisher Navoiy nomidagi Davlat akademik katta teatri, Xamza nomidagi O‘zbek milliy drama teatri, Mark Vaylning “Ilhom” teatri, shuningdek, O‘zbekiston yoshlar teatri ishtirok etadi.

Ma’lum qilinishicha, jahon yulduzlari tashrifi doirasida konsertlar, spektakllar, namoyishlar, mahorat darslari o‘tkaziladi, o‘zaro tajriba almashiladi. Bu esa madaniyatlararo hamkorlikni rivojlantirishga xizmat qilishi aytib o‘tilgan.

Shuningdek, festival dasturidan “Lazgi – qalb va muhabbat raqsi” balet postanovkasi ham o‘rin olgan. 

Qayd etish mumkin, “Lazgi” uch ming yillik tarixga ega hisoblanadi. Mazkur qadimiy Xorazm raqsi sir va afsonalarga yo‘g‘rilgan, azaliy xalq hikmatini ifodalaydi. Uning nomi “Qalb va muhabbat” degan maʼnoni anglatadi. 2019-yilda “Lazgi” Xorazm raqsi UNESCO’ning nomoddiy madaniy merosi ro‘yxatiga kiritilgan.

• Madaniyat
• YUNESKO