“Qo‘shma Shtatlarning Rossiyaga Ukrainadagi urushni to‘xtatish bo‘yicha ultimatumi muhlati 10 kundan so‘ng tugaydi, sanoq bugundan boshlandi”, – deya jurnalistlarga bayonot berdi AQSh prezidenti Donald Tramp. Oq uy brifing audiotranslyasiyasini o‘z YouTube-kanalida uzatdi.

“Bugundan boshlab o‘n kun. Biz bojlar kiritamiz. Mumkin bo‘lgan barcha choralarni qo‘llaymiz. Balki buning ta’siri bo‘lar, balki yo‘q”, — degan Tramp.

28-iyul kuni Donald Tramp o‘z bayonotida Ukrainadagi urushni jilovlash borasida hech qanday siljishni ko‘rmayotganini aytgandi. Shu bois u Rossiya uchun janglarni to‘xtatishga belgilangan 50 kunlik muddatni 10-12 kungacha qisqartirishga qaror qilganini aytgan edi.

Trampning ultimatumiga ko‘ra, bu vaqt ichida kelishuvga erishilmasa, AQSh Rossiyaga va u bilan hamkorlik qilayotgan mamlakatlarga 100 foizlik bojlarni qo‘llaydi.

• AQSh
• Ogohlantirish
• Rossiya
• Tramp
• Ukraina
• Urush