“Rossiyaning Novosibirsk shahrida og‘ir hayotiy vaziyatga tushib qolgan ayol va uning ikki nafar voyaga yetmagan farzandi O‘zbekistonga qaytarildi”, – deb xabar qilmoqda “Dunyo” axborot agentligi.

Butunjahon odam savdosiga qarshi kurashish kuni arafasida O‘zbekiston Bosh konsulxonasi Vazirlar Mahkamasi huzuridagi Migratsiya agentligining Novosibirsk shahridagi vakolatxonasi bilan hamkorlikda o‘zbekistonlik ayol va uning voyaga yetmagan ikki farzandini vataniga qaytarish bo‘yicha tezkor amaliy chora-tadbirlarni amalga oshirgan.

Oila Novosibirsk shahrida o‘ta og‘ir hayotiy vaziyatga tushib qolgani sababli ularning zarur hujjatlari, jumladan bolalarga O‘zbekistonga qaytish guvohnomalari bepul rasmiylashtirilgan hamda aviachipta sotib olingan.

Ular 29-iyul tunda O‘zbekistonga kuzatib qo‘yilgan.

• Migratsiya
• Oila
• O‘zbekistonlik
• Rossiya