Taniqli xonanda Shakira hukumatga kerakli miqdorda soliq toʻlamagani uchun qamalishi yoki katta miqdorda jarima toʻlashi mumkin. Ispaniya sudi ijodkorning apellyatsiya shikoyatini rad etgan va uning aybini isbotlovchi dalillar yetarli ekanligini maʼlum qilgan.

Xonanda 2012-yildan 2014-yilgacha boʻlgan davr uchun 15,5 million AQSh dollari miqdorida daromad soligʻi toʻlashi kerak boʻlgan. Shakiraning uyi Bagama orollarida joylashgan boʻlishiga qaramay, bu vaqtda Ispaniya hududida yashagan. Ispaniya qonunchiligiga koʻra, mamlakat hududida 183 kundan koʻp yashagan shaxslar tegishli soliqlarni toʻlashlari shart.

Shakira esa bu vaqtda Ispaniya hududida istiqomat qilmaganini aytib, pullarni ofshor hisob raqamlariga oʻtkazgan. Prokuratura suddan xonandani qamoqqa olish yoki unga katta miqdorda jarima solishni talab qilmoqda.

• Shou-biznes
• mashhurlar