Ma’lumotlarga ko‘ra, mashhur Gollivud aktyori Nikolas Keyj Los-Anjelesda bo‘lib o‘tgan nufuzli “Oskar” mukofotini topshirish marosimida o‘zidan 31 yosh kichik rafiqasi Riko Shibata bilan ko‘rinish bergan. Juftlikning birga tushgan surati “Daily Mail” nashrida chop etildi.

Nashrning yozishicha, 60 yoshli Nikolas Keyj va 29 yoshli Riko kinomukofotni topshirish marosimida ko‘pchilikning e’tiborini tortgan. Ular 2019-yilda Tokioda suratga olish paytida tanishgan. Gollivud aktyori koronavirus pandemiyasi davrida FaceTime orqali Rikoga turmush qurishni taklif qilgan. 2021-yil fevral oyida sevishganlar to‘y marosimini o‘tkazgan. Mashhur aktyor dabdabali bayram uyushtirishni istamagan, balki Las-Vegasdagi Wynn mehmonxonasida kichik va ixcham tadbir o‘tkazish bilan kifoyalangan.

Shuningdek, “Bir yil o‘tgach, Nikolas Keyj va Riko Shibata qizli bo‘lishdi. Baxtli juftlik kichkintoyning guvohnomasiga Avgusta Francheska Koppola Keyj deb yozdirib qo‘ydi”, deyiladi xabarda.

• Lifestyle
• Shou-biznes
• aktyor