Hindiston OAVlarining xabar berishicha, Lourens Bishnoy jinoiy to‘dasi a’zosi tomonidan payshanba kuni Salmon Xonga yana bir bor o‘lim tahdidi qilingan.

Qo‘ng‘iroq qilgan jinoiy to‘da a’zosi aktyordan 50 million rupiya, ya’ni 592 600 dollar talab qilgan.

Bishnoy Hindistonda qidiruvda bo‘lgan va u 2015-yildan beri qamoqda o‘tiribdi. Shunday bo‘lsada, Bishnoy panjara ortida turib ham bir nechta jinoiy to‘dalarni boshqarmoqda, deb taxmin qilinmoqda. Uning jinoiy guruhlari giyohvand moddalar savdosi, qurol-yarog‘ kontrabandasi hamda qotillik bilan shug‘ullanadi.

Seshanba kuni esa Bollivud qiroli deyiladigan aktyor Shohrux Xongayam tahdid qilishgan. Undan 5 million rupiya talab qilingan. Agar bu pulni bermasa, aktyorni o‘ldirishini aytishgan.

Hozirda tergov ishlari olib borilmoqda.

• Dunyo
• Jinoyat
• Lifestyle
• Shou-biznes
• aktyor
• bollivud
• qiziqarli