Zarbdor tumanidagi “DM-1” kanalidan suv ichadigan Istiqbol, Nurafshon, Namuna, G‘alaba mahallalarida suv tejovchi texnologiyalar joriy qilinsa, dehqonlarning 1 ming gektar yerida, shuningdek, tuman yoshlariga bo‘lib berilgan 3 ming gektarda qovun yetishtirish va uni qayta ishlash orqali 28 million dollar eksport qilish mumkin. Bu haqda Jizzaxda Shavkat Mirziyoyev raisligida o‘tayotgan yig‘ilishda ma’lum qilindi.

Qayd etilishicha, Zarbdorni 12 ming gektar yerlari “DM-3” kanalidan eng samarali bo‘lgan o‘zi oqar yopiq quvur usulida suv olishga mo‘ljallangan. Lekin uning 160 kilometri yaroqsiz holga kelgan.

Mutasaddilarga kanalni ta’mirlash loyihasini kelgusi yil investitsiya dasturiga kiritish topshirilgan.

Shunday sug‘orish tarmog‘ini Zomin tumaniga ham tortib borish muhimligi qayd etilgan.

• Jizzax
• Prezident